自我介绍

შატო ყირამალა მდებარეობს ლაგოდეხის მუნიციპალიტეტის სოფელ რაჭისუბანში 40000 კვადრატულ მეტრის ფართობზე და მოიცავს როგორც მარანს და რესტორანს, ასევე ულამაზეს კოტეჯებს, რომელიც გადაჰყურებს ტბას. მარნის მოსაზღვრედ გაშენებულია ვენახი. აღნიშნული შატოს იდეა არის ფაქტიურად 80 იანი წლების ცნობადი რესტორანი „ყირამალას“ გაცოცხლება, რომელიც იყო ყველაზე ცნობადი რესტორანი და სწორედ მის ნანგრევებზე აშენდა თანამედროვე კომპლექტი, აქედან გამომდინარე მოხდა სახელის შენარჩუნება და მარანსაც „შატო ყირამალა“ დაერქვა.რელიეფი, სადაც აღნიშნული ობიექტი მდებარეობს, საკმაოდ მომხიბვლელია ტურისტებისთვის. ჩაფლულია ულამაზეს ბუნებაში და ერთი კილომეტრითაა მოშორებული ლაგოდეხის დაცული ტერიტორიისგან.ირგვლივ მოედინება პატარა წყაროები, რომლებიც ქმნიან ჩანჩქერებს და ჩაედინებიან ტბაში. ერთის მხრივ ეს საოცარი სილამაზე ქმნის პანორამულ ხედებს და სიგრილეს და ასევე დამსვენებელს შეუძლია გაერთოს და კოტეჯის აივნიდანვე ითევზაოს.მიმდებარედ გაშენებული ვენახი და სხვადასხვა ნარგავები აძევს, როგორც ულამაზეს ვიზუალს, ასევე გვეხმარება სტუმრებს გაუმასპინძლდეთ ეკოლოგიურად სუფთა პროდუქტით.ეს არის რესტორანი, ტერასა და სასტუმრო, სადაც დამსვენებელს შეუძლია მონაწილეობა მიიღოს, როგორც რთველის პროცესში, ასევე მის ქვევრში ჩაწურვაში, ასევე ესწრებიან ჭაჭის ხდის პროცესს, რაც მიმზიდველია ყველა დამსვენებლისთვის.ეს ყველაფერი კი მნიშვნელოვან როლს თამაშობს სასტუროსა და კოტეჯების წარმატებით ფუნქციონირებაში.ულამაზეს ეზოში განთავსებულია ასევე საცურაო აუზი, რაც რა თქმა უნდა დამატებით ინტერესს აჩენს დამსვენებლისთვის. არ შემიძლია არ აღვნიშნო ჩვენი უგემრიელესი ღვინო, რომელიც ყველა ტურისტისთვის დაუვიწყარ გემოებსა და მოგონებებს ქმნის. შატო ყირამალა შესაძლებლობას იძლევა ყველა ტიპის დამსვენებელმა დაიკმაყოფილოს ის მოლოდინი, რომელიც გააჩნია და შესანიშნავად გაატაროს დასვენების დღეები. რა თქმა უნდა მისი უნიკალურობა გამოარჩევს მას ყველა დანარჩენი ობიექტისგან და დიდი წვლილი შეაქვს, როგორც ტურიზმის განვითარებაში, ასევე ღვინის ბაზარზე.